þriðjudaginn 6. desember kl. 18.30 bjóða Ungmennafélögin Skallagrímur og Íslendingur ásamt Hestamannafélaginu Faxa upp á fyrirlestur Loga Geirssonar sem ber nafnið "Það fæðist enginn atvinnumaður" . Í fyrirlestrinum fer Logi yfir markmiðasetningu, mataræði, sjálfstraust, hugarfar og margt fleira sem vert er að huga að þegar við stefnum að ákveðnum markmiðum. Fyrirlesturinn höfðar til allra aldurshópa og eru allir velkomnir!

Þrjú Borgarfjarðarmet féllu á Silfurleikum ÍR um síðastliðna helgi. Fannar Yngvi Rafnarson (Umf. Íslending) sló nýtt met í 200 m. hlaupi pilta 13-14 ára en hann hljóp á tímanum 28,88 sek. Helgi Guðjónsson hljóp svo 200m hlaup á tímanum 29.90 sek og 600 m. hlaup á 1,46,06 mín og sló þar með tvö Borgarfjarðarmet í aldursflokknum 12-13 ára.

Við óskum þeim Helga og Fannari innilega til hamingju með glæsilegan árangur!

Héraðsmóti í frjálsíþróttum innanhúss sem halda átti  laugardaginn 26. nóv verður því miður aflýst af óviðráðanlegum orsökum.

Stefnum bara að enn betri Íþróttahátíð í  byrjun næsta árs í staðin.

Héraðsmót UMSB í frjálsíþróttum innanhúss verður haldið laugardaginn 26. nóvember í íþróttamiðstöðinni í Borgarnesi. Hefst keppni kl. 13.00 og eru allir hvattir til að vera með... jafnvel þó að formið sé lélegt og æfingin lítil og allir þeir sem eru búnir að æfa sig í allt haust muni sennilega vinna þig, Héraðsmótið er upplagt tækifæri til að bara vera með ;)

Skráningar þurfa að berast á netfangið Þetta netfang er varið fyrir ruslrafpósti, þú þarft að hafa Javascript virkt til að skoða það fyrir mánudaginn 21. nóvember

Þátttökugjöld eru 500 kr. á mann  og nánari upplýsingar um greinar og flokka má sjá hérna fyrir neðan:

Kv. Hrönn Jónsdóttir