Unglingalandsmót UMFÍ verður haldið í Borgarnesi um verslunarmannahelgina. Ungmennasamband Borgarfjarðar er mótshaldari þessa Unglingalandsmóts en UMSB var stofnað árið 1912 og innan vébanda þess eru 12 aðildarfélög. Unglingalandsmótin eru vímuefnalaus íþrótta- og fjölskylduhátíð og frábær kostur fyrir alla þá sem velja heilbrigt og vímuefnalaust umhverfi samhliða því að taka þátt í fjölbreyttri íþróttakeppni.

Allir á aldrinum 11 – 18 ára geta tekið þátt í íþróttakeppni á Unglingalandsmótinu. Keppendur greiða eitt mótsgjald, kr. 6.000.- og fá með því þátttökurétt í öllum keppnisgreinum. Búseta og aðild að íþróttafélagi skiptir engu máli, allir hafa jafnan rétt til keppni á mótinu.

• Skráningar á ULM fara í gegnum skrifstofu UMSB.  Hægt er að senda skráningar á tölvupósti á Þetta netfang er varið fyrir ruslrafpósti, þú þarft að hafa Javascript virkt til að skoða það   Upplýsingar sem þurfa að koma fram eru: Nafn á keppanda, kennitala, heimilsfang, ábyrgarmaður, símar, keppnisgrein. Einnig þarf að koma fram upplýsingar um hvernig verður gist, hvort það er tjaldvagn, tjald, húsbíl, o.s.frv. og ef óskað er eftir rafmagni.
• Það verður reynt að koma keppendum sem skrá sig í hópíþróttir í UMSB lið ef hægt er. Annars fara keppendur í önnur blönduð lið með öðrum félögum.
• Skráningargjald er 6000 kr fyrir keppanda og þarf að greiðast við skráningu.  Hægt er að leggja inn á reikn. 354-26-59 kt: 670269-0869 og senda kvittun á Þetta netfang er varið fyrir ruslrafpósti, þú þarft að hafa Javascript virkt til að skoða það skýring: nafn á keppanda.
• Þeir sem hafa nú þegar skráð á vef UMFÍ hafið samband við skrifstofu UMSB. 

UMSB Búningur 
Mælst er  til að keppendur UMSB klæðist UMSB galla á Unglingalandsmótinu og mæti sérstaklega í þeim í verðlaunaafhendingu og skrúðgöngu.,  Þeir eru til sölu á skrifstofu UMSB og kostar gallinn 6000 kr.  Þeir sem hafa áhuga á að kaupa galla vinsamlegast hafið samband sem fyrst við Kristján í síma 823-5764

Dagskrá
Í boði verður fjölbreytt afþreying fyrir alla meðlimi fjölskyldunnar og ættu allir að finna eitthvað við sitt hæfi. Íþróttakeppnin hefst á föstudagsmorgni og lýkur á sunnudegi. Setningarathöfn mótsins er á föstudagskvöldið en boðið verður upp á dagskrá öll kvöldin þar sem hljómsveitir og skemmtikraftar halda uppi fjörinu.

Nánari upplýsingar um ULM í Borgarnesi er hægt að nálgast á www.ulm.is