NSU stendur fyrir ungmennaviku dagana 18. – 25. júlí 2010 sem verður haldin í Suður Slesvig á landamærum Danmerkur og Þýskalands. SDU, Sydlesvig Danske Ungdomsforeninger, skipuleggur ungmennavikuna og heldur utan um alla framkvæmdina. Ef þú ert 15 – 25 ára, þá er þetta kannski eitthvað fyrir þig.

Það er hægt að kíkja á www.sdu.de en þar má finna enn frekari upplýsingar um þetta allt.

Kostnaður við Ungmennavikuna er um 100.000.- ískr. pr. einstakling ( innifalið flug og þátttaka ). Ungmennafélag Íslands hefur ákveðið að styrkja 6 einstaklinga til fararinnar um kr. 50.000.- hvern.

Áhugasamir skulu skila inn umsóknum til UMFÍ á netfangið Þetta netfang er varið fyrir ruslrafpósti, þú þarft að hafa Javascript virkt til að skoða það fyrir 28.maí 2010.

Í umsókninni skal koma fram nafn umsækjanda, kennitala og heimilisfang.  Einnig skal taka fram í hvaða héraðssambandi viðkomandi er í og áhugamál.

Héraðssambönd hafa sum hver styrkt þátttakendur vegna þátttöku þeirra í ungmennaviku.

Mynd: Frá Christianslyst í Suður Slesvig.

Um helgina var haldinn Samráðsfundur Ungmennafélags Íslands í Borgarnesi. Stjórnarfundur UMFÍ var á föstudagskvöldinu og var síðan framhaldið til hádegis á laugardeginum.

Helga Guðrún Guðjónsdóttir, formaður UMFÍ, hélt ávarp í upphafi fundarins og bauð fulltrúa velkomna. Fundurinn var vel sóttur en fulltrúar hérðassambandanna voru yfir 50 talsins.

Farið var vítt og breitt um sviðið og voru umræður gagnlegar og fræðandi. Fjallað var um mál sem efst eru á baugi í hreyfingunni og spunnust um það skemmtilegar umræður.

Landsfulltrúar UMF, Guðrún Snorradóttir, Sigurður Guðmundsson og Ómar Bragi Stefánsson héldu kynningu á sínum verkefnum.

Í lok fundarins var skoðunarferð um mótsvæðið í Borgarnesi en undirbúningur fyrir mótið er í fullum gangi.